Жоламан Шаршенбеков Казакстанда өтүп жаткан күрөш боюнча Азия чемпионатында финалга чыкты.
Турнир учурда Астанада өтүп жатат.
Шаршенбеков грек-рим күрөшү боюнча мелдешке 60 килограммга чейинки салмак ченинде катышты.
Кыргызстандык балбан 1/4 финалдан баштап, алгач Индиянын спортчусун 53 секундда жеңип алды. Жарым финалда Шаршенбеков Япониядан келген балбандан күчтүү болду.
Финалда Шаршенбеков Түштүк Кореядан келген спортчу менен беттешет.
Буга чейин Акжол Махмудов Казакстанда өтүп жаткан күрөш боюнча Азия чемпионатында алтын медаль утуп, чемпион болгон.
Биздин Телеграм каналга катталыңыз
