Улуттук инвестициялар агенттигинин башчысы Равшанбек Сабиров «Орто Азия энергетикалык компаниясы» менен кошумча макулдашууга кол койду. Бул документ «Жунда» мунайды кайра иштетүүчү заводун кеңири масштабда модернизациялоонун кезектеги баскычына жол ачат.

Кубаттуулуктарды жаңылоо ишканага өндүрүштү көбөйтүүгө жана Евро-5 стандартындагы сапаттуу, экологиялык таза күйүүчү май чыгарууга өтүүгө мүмкүндүк берет. Бул Кыргызстандын күйүүчү май секторунун туруктуулугун арттырып, ички рыноктун күйүүчү-майлоочу майлардын (КММ) импортунан көз карандылыгын төмөндөтөт.

Долбоор жаңы жумуш орундарын түзүп, өндүрүштүн чектеш тармактарын колдоого алат жана ата мекендик мунай кайра иштетүү тармагынын өнүгүшүнө кошумча түрткү берет.