Ысык-Көл көлүнөн үч күндө 6 миң 800 метр эски синтетикалык тор жана 140 кг таштанды чыгарылды. Бул тууралуу Жаратылыш ресурстары, экология жана техникалык көзөмөл министрлиги билдирди.

Министрликтин маалыматында, 11-13-август күндөрү мыйзамсыз коюлган торлорду аныктоо жана алып чыгуу боюнча үч күндүк рейд өткөрүлгөн. Анда көлдөн:

• 11-августта — 2300 метр тор жана 50 кг таштанды;
• 12-августта — 2000 метр тор жана 40 кг таштанды;
• 13-августта — 2500 метр тор жана 50 кг таштанды чыгарылган.

Ал эми жыл башынан бери Ысык-Көлдүн акваториясынан жалпы 24 миң 300 метр тор жана 650 кг таштанды алынган.

Мекеме бул рейддер көлдүн экологиялык абалын жакшыртуу, биологиялык ар түрдүүлүктү сактоо жана мыйзамсыз балык уулоого бөгөт коюу максатында жасалып жатканын билдирди.