Бишкек шаарында тышкы жарнамаларды жана маалыматтык көрнөктөрдү калаанын дизайн-кодунун талаптарына ылайык келтирүү боюнча рейд өтүп, жыйынтыгында бир катар көрнөк-жарнактар алынды.

Мэриянын маалыматында, рейдде Курманжан Датка көчөсүнүн Жибек Жолу проспектисинен Чоң Чүй каналына чейинки тилкесинде белгиленген талаптарды бузуу менен орнотулган 168 жарнамалык конструкция алынды.

Муниципалитет ишкерлерди жана мүлк ээлерин жарнама конструкцияларын жайгаштыруунун мыйзамдуулугун текшерип, объекттердин сырткы жасалгасын бекитилген ченемдерге ылайык келтирүүгө чакырды.

Ошондой эле мындай рейддер шаардын бардык райондорунда туруктуу негизде жүргүзүлөрү айтылды.