Бүгүн, 1-июнда күндүз Талас, Ош, Жалал-Абад, Баткен облустарынын көпчүлүк аймактарында, Ысык-Көл жана Нарын облустарынын айрым жерлеринде, ошондой эле Чүй облусунун тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Кыргызгидрометтин маалыматы боюнча, Чүй облусунун дыйканчылык аймактарында жаан-чачын күтүлбөйт.

Бийик тоолуу жолдордо тоңголок, тайгак болот. Батыштан соккон шамалдын ылдамдыгы секундасына 4–9 метрге жетет, күндүз айрым жерлерде шамалдын ылдамдыгы 15–20 метрге чейин күчөшү мүмкүн.

Мекеменин маалыматы боюнча:

• Чүй облусунда: түнкүсүн 17…22°C, күндүз 32…37°C;
• Талас облусунда: түнкүсүн 15…20°C, күндүз 29…34°C;
• Ош облусунда: түнкүсүн 16…21°C, күндүз 32…37°C;
• Жалал-Абад облусунда: түнкүсүн 16…21°C, күндүз 32…37°C;
• Баткен облусунда: түнкүсүн 16…21°C, күндүз 32…37°C;
• Ысык-Көл облусунда: түнкүсүн 11…16°C, күндүз 26…31°C;
• Нарын облусунда: түнкүсүн 7…12°C, күндүз 23…28°C;
• Бишкек шаарында: жаан-чачын күтүлбөйт, батыштан соккон шамалдын ылдамдыгы 4–9 м/с. Абанын температурасы түнкүсүн 20…22°C, күндүз 34…36°C болот.