15 жылдан бери издөөдө жүргөн кыргызстандык жаран Астанада кармалды. Бул тууралуу казакстандык ЖМКлар жазды.

Маалыматка караганда, милиция кызматкерлери тарабынан мамлекеттер аралык издөөдө жүргөн 37 жаштагы Кыргызстандын жараны кармалды.

Ал 2008-жылдын октябрь айында ишенимге кирип алып, уюлдук телефондорду ээлеп алган деп айыпталган.

2010-жылы Бишкектин Свердлов райондук ички иштер башкармалыгы ага карата мамлекеттер аралык издөө жарыялаган.

Кармалган адам Астана шаардык ички иштер башкармалыгынын убактылуу кармоочу жайына киргизилген. Аны Кыргызстанга экстрадициялоо маселеси каралууда.

Биздин Телеграм каналга катталыңыз