Ош облусуна караштуу Ноокен районундагы Көк-Жар айлында кыргызстандык жарандын башкаруусундагы «Мерседес-Бенц 412» үлгүсүндөгү унаа токтотулган. Аны текшерүүгө алганда ичинен жалпы 168 миң пачка «Orbit» маркасындагы сагыз табылды. Аталган товар аткезчилик жол менен ташылып келе жатканы аныкталганын Бажы кызматынан маалымдашты.

Маалыматка ылайык, айдоочу товарды тастыктаган тийиштүү документтерди көрсөтө алган эмес. Кармалган товардын орточо базар баасы 3 миллион 24 миң сомду түзөт.

Учурда бул факт Кылмыштардын жана жоруктардын бирдиктүү реестрине каталып, материалдар тергөөгө өткөрүлүп берилди.