Улуттук статистика комитетинин маалыматы боюнча, 2025-жылы республикада расмий эс алган жарандардын саны 5,3 млн адамга жетти. Жалпы туристтик агымдын дээрлик жарымы (49%) салттуу түрдө Ысык-Көл облусуна туура келди. Конокторду тейлөөнү 840тан ашык эс алуу жайы жана 2,3 миң конок үйү камсыз кылды.

Ошол эле учурда өлкөгө чет элдиктердин келүүсүнүн жалпы интенсивдүүлүгү мындан да жогору болгон. Чек ара кызматы чет өлкөлүк жарандардын чек арадан өтүүсүнүн 10 миллиондон ашык фактысын каттаган, бул бир жыл мурункуга салыштырмалуу 19%га көп. Бул цифрага туристтер гана эмес, өлкөгө келген чет элдик жарандардын бардык категориялары кирет.

Тармактагы өсүш экономикага оң таасирин тийгизди: туризмдин өлкөнүн ИДПсындагы үлүшү 3,8%га чейин өсүп, ал эми бул сектордогу дүң кошумча нарк 74,4 млрд сомду түздү. Бүгүнкү күндө туризм тармагында жалпысынан 3,1 миңден ашык ар кандай компаниялар жана жеке ишкерлер расмий иш алып барышат.