30-июлга караган түнү Кыргызстанда жаан-чачын күтүлбөйт. Күндүз Ысык-Көл жана Нарын облустарынын айрым жерлеринде, ошондой эле Ош жана Жалал-Абад облустарынын тоолуу райондорунда кыска мөөнөттүү жаан жаап, күн күркүрөшү мүмкүн. Бул тууралуу Кыргызгидромет билдирди.

Чүй, Талас жана Баткен облустарында, ошондой эле Ош жана Жалал-Абад облустарынын өрөөндүү аймактарында жаан-чачын күтүлбөйт.

Батыштан соккон шамалдын ылдамдыгы секундасына 4–9 метрди түзөт. Түнкүсүн Ысык-Көлдүн батыш жээгинде, күндүз айрым жерлерде Ысык-Көл жана Нарын облустарында шамалдын ылдамдыгы секундасына 15–20 метрге чейин жетет.

Күндүз абанын температурасы төмөнкүдөй болот:

• Чүй облусунда +32…+37;
• Талас облусунда +30…+35;
• Баткен облусунда +34…+39;
• Ош жана Жалал-Абад облустарында +34…+39;
• Ысык-Көл облусунда +26…+31;
• Нарын облусунда +27…+32;
• Суусамыр өрөөнүндө +23…+28;
• бийик тоолуу аймактарда +11…+16.

Бишкек шаарында жаан-чачын күтүлбөйт. Абанын температурасы түнкүсүн +18…+20, күндүз +34…+36 градус болот.

Чолпон-Ата шаарында түнкүсүн жаан-чачын күтүлбөйт, күндүз кыска мөөнөттүү жаан жаап, күн күркүрөшү мүмкүн. Абанын температурасы +28…+30 градуска чейин көтөрүлөт.