Чүй облусунун Александровка айылында болгон жол кырсыгынан 4 адам жабыркап, ооруканага жеткирилди. Бул тууралуу облустук жол кыймылынын коопсуздугун камсыздоо башкармалыгы билдирди.
Саат 12:00 чамасында Газ-53 унаасын 24 жаштагы айдоочу чыгыштан батышты көздөй башкарып баратып, Дэу-Нубира унаасы менен сүзүшкөн.
Кырсыктын кесепетинен жеңил унаанын 33 жаштагы айдоочусу жана унаадагы үч жүргүнчү жаракат алып, ооруканага жеткирилген.
Бул факты боюнча Москва райондук милициясы териштирүү иштерин баштаган.
