Казакстанда унаасына жасалма кыргызстандык номер тагып жүргөн Россиянын жараны кармалды. Бул тууралуу polisia.kz билдирди.
Маалыматка караганда, 15-февралда Карабутак – Костанай жолунда полиция кызматкерлери Россиянын 36 жаштагы жараны айдап бара жаткан Mercedes-Benz унаасын токтоткон. Айдоочунун унаасында тагылган номер жасалма болуп чыккан.
Бул фактыга байланыштуу айдоочуга протокол түзулүп, жасалма номерлер алынган. Унаа айып аянтчасына токтотулган.
Соттун чечими менен Россиянын жараны айдоочулук күбөлүгүнөн бир жылга ажыратылып, бир күнгө камакка алынган.
Биздин Телеграм каналга катталыңыз
