Бүгүн, 16-июнда, Кыргызстандын Министрлер кабинетинин төрагасы Адылбек Касымалиев жумуш сапары менен Өзбекстандын борбору Ташкентке келди. Бул тууралуу Минкабдын басма сөз кызматы билдирди.

Төраганы «Хумо» эл аралык аэропортунан Өзбекстандын премьер-министринин орун басары Ачилбай Раматов тосуп алды.

Бул сапардын алкагында Адылбек Касымалиев Ташкент инвестициялык V эл аралык форумуна катышып, анын пленардык жыйынында сөз сүйлөйт. Ошондой эле Өзбекстандын жогорку кызмат адамдары менен эки тараптуу жолугушууларды өткөрүү жана бир катар өндүрүштүк объекттерге баруу пландалган.