Бишкек шаарындагы Аалы Токомбаев жана Байтик Баатыр көчөлөрүнүн кесилиши унаа кыймылы үчүн бир суткага жабылат. Бул тууралуу шаар мэриясы билдирди.

Мындай чектөөлөр 17-июндан 18-июнга чейин жол оңдоо иштерине байланыштуу киргизилүүдө.

Мэрия шаар тургундарына жана борбор калаанын конокторуна убактылуу жаралган ыңгайсыздыктарга түшүнүү менен мамиле кылууну өтүнүп, жүрүү багыттарын алдын ала пландаштыруу жана айланма жолдорду колдонууну сунуштады.