Бүгүн, 6-мартта Министрлер кабинетинин төрагасы Адылбек Касымалиев Вьетнамдын премьер-министри Фам Минь Тинь менен жолукту. Бул тууралуу Министрлер кабинети билдирди.

Жолугушууда өкмөт башчылар эки өлкөнүн ортосундагы соода, инвестиция, өнөр жай, айыл чарба, энергетика, билим берүү, тоо-кен, туризм жана маданият тармактарындагы кызматташууну талкуулашты.

Адылбек Касымалиев Кыргызстан менен Вьетнамдын ортосундагы товар жүгүртүүнүн көлөмү 2019-2024-жылдар аралыгында дээрлик 13 эсеге көбөйгөнүн билдирген.

Жолугушууда аталган эки өлкөнүн өкмөттөрүнүн ортосунда төмөнкү документтерге кол коюлду:

•  Билим берүү жаатында кызматташуу жөнүндө макулдашуу;
• Укуктук кызматташтык жөнүндө өз ара түшүнүшүү жөнүндө Меморандум;

Белгилей кетсек, Кыргызстан-Вьетнам кызматташтыгына быйыл 33 жыл толду.