«Аэро Номад Эйрлайнс» авиакомпаниясы 2026-жылдын 23-августунан тартып Бишкек – Ташкент – Бишкек багыты боюнча жаңы туруктуу эл аралык каттамды ишке киргизет.

Каттамдар жумасына эки жолу – бейшемби жана жекшемби күндөрү аткарылат.

Компания ошондой эле Кыргызстан менен Өзбекстандын ортосундагы каттамдардын багытын кеңейтүү мүмкүнчүлүгүн карап жатканын билдирди. Келечекте Бишкек – Самарканд – Бишкек жана Бишкек – Үргөнч – Бишкек каттамдарын ачуу пландалууда.

Бул маселелер буга чейин «Аэро Номад Эйрлайнс» компаниясынын жетекчилиги менен Өзбекстандын Туризмди өнүктүрүү боюнча мамлекеттик комитетинин делегациясынын жолугушуусунда талкууланган.