Термечиков көчөсү, 1 дарегинде жайгашкан “Ак кула” ат майданынын айрым бөлүгү сатылат. Бул тууралуу мэрия билдирди.

Бишкек шаардык кеңешинин муниципалдык менчикти менчиктештирүү боюнча бекитилген программасына ылайык 10 күндүн ичинде электрондук аукцион өтүшү керек.

Ага катышуунун шарттары атайын түзүлгөн комиссия тарабынан аныкталат. Муниципалдык мүлктү жеке жана юридикалык жактар сатып ала алат.

Белгилей кетсек, Министерлер кабинети ат майдандын ордуна бизнес борбор курмакчы.

“Ак кула” 1947-жылы курулган. Ал 1998-жылы менчикке сатылып, 2018-жылы кайра мамлекетке кайтарылган.