Саламаттык сактоо министрлигинин коомдук саламаттыкты сактоо башкармалыгынын башчысы Айнура Акматова коронавирус жуктуруп алган 14 бейтаптын абалы тууралуу маалымат берди.

Анын айтымында, Сузак районунда ооруну жуктуруп алган 8 адамдын ичинен эки адамдын абалы орточо оор деп бааланууда.

“Алардын дене табы 38 градуска чейин чыгып, кургак жөтөл симтомдору байкалууда. Калган 12 адамдын абалы салыштырмалуу канааттандырарлык. Бардык бейтаптарды дарылоо иштери жүргузүлүп жатат”, – деди ал.

Жалпы республикада өпкөнү сезгенткен COVID-19 вирусуна чалдыккандардын саны 14 адам. Алардын алтоо эркек, сегизи аял. Жаш курактары 25 жаштан 80 жашка чейинкилер.