АКШнын Пенсильвания штатынын Филадельфия шаарында жол кырсыгында эки кыргызстандык каза болду. Бул маалыматты Тышкы иштер министрлиги ырастады.

Алар – 2002-жылы туулган  Актилек Бактыбеков жана 2003-жылы туулган Төлөбек Эсенбеков экендиги аныкталды.

Учурда Кыргызстандын АКШдагы элчилиги тарабынан кырсыктын бардык жагдайларын тактоо боюнча тиешелүү иштер жүргүзүлүп, каза болгондордун сөөгүн мекенине жеткирүү маселеси каралып жатат.

Америкадагы мекендештердин билдирүүсүндө, маркум мигрант жигиттер жакында эле грин карт аркылуу барышкан. Алардын бири курьер катары иштеп жүргөн.

“Машинасы бузулуп, жол жээгинде турган кезде мас абалында келе жаткан айдоочу арттан келип сүзүп кеткен”, – дейт АКШдагы кыргыздар.

Биздин Телеграм каналга катталыңыз