Күрөш боюнча Азия чемпионатына (U-15) катышуу үчүн министрлер кабинетинин башчысы тарабынан акча берилген 9-класстын окуучусу Элина Бакытова коло медалга ээ болду. Бул тууралуу Бириккен күрөш дүйнөсүнүн сайты билдирет.

Ал 66 килограммга чейинки салмак категориясында чыгып, үч беттештин биринде жеңишке жетишкен.

Белгилей кетсек, Акылбек Жапаров ага министрлер кабинетинин төрагасынын резервдик фондунан 100 миң сом жана анын айлыгынан 50 миң сом бөлгөн.

Эске салсак, кыргызстандыктар Манамада (Бахрейн) өтүп жаткан чемпионатта буга чейин 10 медалга ээ болушкан.

Эркин стилдеги спортчулар медалдар үчүн күрөштү бүгүн улантат.