Жазаларды аткаруу кызматынын төрагасынын орун басары Жапаров Рахатбек Үсөнбекович кызматтан кетти. Бул тууралуу аталган кызматтан билдиришти.

Маалыматка ылайык, ал өз каалоосу менен жазган арызнын негизинде 14-январда ээлеген кызматынан бошотулган. Бул кызматта ал 2020-жылдын 16-октябрынан бери иштеди.

Белгилей кетсек, Рахатбек Жапаров мурдагы өкмөт башчы Акылбек Жапаровдун иниси. Былтыр сентябрда ал президенттин колунан генерал-майор наамын алган.

Ал эми агасы былтыр 16-декабрда өкмөт башчы кызматынан кеткен.