Бишкекте Милициянын кайгуул башкармалыгынын 4 кызматкери кармалды. Бул тууралуу УКМКдан билдиришти.

Шектүү катары Т.С., И.К., З.Б. уулу жана А.К. аттуу кызматкерлер кармалган. Алар жол кырсыгына кабылып, айып короосунда турган унаалардын ээлерине ар кандай тоскоолдуктарды жаратып келген. Унааны айып короодон чыгарып кетүү уруксат берүү үчүн аларды акча берүүгө мажбурлашкан.

Учурда бул ишке тиешеси бар адамдарды аныктоо иштери жүрүүдө.