Адылбек Касымалиев министрлер кабинетинин төрагасынын милдетин аткаруучу болуп дайындалды. Бул тууралуу президенттин маалымат кызматы билдирди.

Тиешелүү жарлыкка президент Садыр Жапаров кол койгон.

Эми Касымалиевди өкмөт башчы кызматына дайындоо үчүн анын талапкерлиги Жогорку Кеңештин кароосуна киргизилет. Буга чейин ал министр кабинетинин төрагасынын биринчи орун басары болуп келген.

Эскерте кетсек, 2021-жылдын октябрь айынан бери министрлер кабинетин жетектеп келе жаткан Жапаров кызматтан кеткени тууралуу 16-декабрда белгилүү болду.