Иран Ормуз кысыгын ачуу үчүн АКШга жети шарт койду, деп кабарлайт Tasnim агенттиги.

Буга чейин Ислам Республикасынын ТИМи Тегеран дүйшөмбү күнү Оманда Ирактын жана Перс булуңундагы өлкөлөрдүн катышуусунда жолугушуу өткөрөрүн билдирген. Анда бул суу артериясында соода кемелеринин коопсуз каттамын камсыз кылуу маселелери талкууланмакчы.

«Иран ортомчулар аркылуу Ормуз кысыгын ачуу боюнча Америка тарапка жети шарт койду жана Ирандын жогорку жетекчилиги тарабынан жактырылган бул жети шарт аткарылмайынча, Ормуз кысыгы жабык бойдон калат», — деп билдирди булак.

Ошол эле учурда ал тараптар дүйшөмбү күнү жарыялоону пландап жаткан Тегеран менен Маскаттын ортосундагы макулдашуулар Ормуз кысыгын ачууну билдирбей турганын кошумчалады. Башка өлкөлөр жолугушууга кысыкта кемелердин каттамын уюштуруунун чоо-жайы тууралуу маалымат алуу үчүн гана катышат, деп белгиледи агенттиктин маектеши.

«Макулдашууга ылайык, Перс булуңуна кирүүчү каттам толугу менен Ирандын аймактык суулары аркылуу өтөт, ал эми Перс булуңунан чыгуучу каттам жарым-жартылай Ирандын аймактык суулары аркылуу өтмөкчү», — деп айтылат маалыматта.

Булактын айтымында, АКШ ачылышын талап кылган Ормуз кысыгындагы түштүк коридору жабык болот.