“Акыркы коңгуроо” аземинен кийин, мектеп бүтүрүүчүлөрүн шаардан сырткары эс алуучу жайларга кортеж унаалары менен ташыган өлкө аймагында 48 унаа аныкталды. Бул тууралуу ЖКККББнын басма сөз кызматы билдирди.
Алардын ичинен: Бишкек шаарында 29 кортеждик жана 16 маршруттук унаалар, ал эми Нарын облусунда мектеп бүтүрүүчүлөрүн шаардан сырткары эс алуучу жайларга ташыган үч унаа аныкталган.
Бул унаалардын ичиндеги бүтүрүүчүлөрдүн баары аймактык милиция бөлүмдөрүнө жеткирилип, ал эми унаалары андан ары тийиштүү чара көрүү үчүн, убактылуу токтотуучу айып короо жайына токтотулган.
Ошондой эле бир күн ичинде жалпы 2909 жол эрежелерин бузган айдоочулар аныкталды, алардын ичинен:
-мас абалында унаа башкарган 45 айдоочу;
-тийиштүү докумменттери жок унаа башкарган 34 айдоочу;
-ылдамдыкты ашырып айдаган 559 айдоочу;
Одоно жол эрежелерин бузгандыгы үчүн 266 авто унаа убактылуу токтотуучу айып короо жайына киргизилди.
Биздин Телеграм каналга катталыңыз
