Кыргызстанда акыркы суткада COVID-19 инфекциясынын 14 учуру аныкталды. Бул тууралуу Оорулардын алдын алуу жана мамлекеттик санитардык-эпидемиологиялык көзөмөл департаменти билдирди.

Маалыматка ылайык, симптомдордун пайда болушуна байланыштуу 10 адам кайрылган, 1 учур (БАЭден) алынып келинген, 4 адам симптомсуз болгон, 1 бейтап рейске байланыштуу ПЦР изилдөө учурунда аныкталган.

Бир адам ооруканага жаткырылды. 14 учурдун экөөсү коронавируска каршы эмдөөдөн өткөн.

Расмий маалыматтар боюнча, 2020-жылдын март айынын башынан бери коомчулуктан пайда болгон пневмония жана COVID-19 оорусунун 201 245 учуру катталган.