1-октябрда Чыңгыз Айтматов атындагы мамлекеттик улуттук Орус драма театрында Эл аралык карылар күнүнө арналган музыкалык кече өтөт. Бул тууралуу Маданият министрлиги билдирди.

Иш-чаранын алкагында улуу муундагы көрүүчүлөр үчүн музыкалык спектакль тартууланып, сүйүктүү обондор жаңырат. Музыкалык кече «алтын курактагы» көрүүчүлөргө көңүл буруу, жакшы маанай тартуулоо жана маданий эс алуусуна шарт түзүү максатында уюштурулууда.

Музыкалык программа саат 13:00дө башталат. Пенсионерлер үчүн иш-чарага кирүү акысыз.

Иш-чаранын дареги: Бишкек шаары, К. Тыныстанов көчөсү, 122.