Бүгүн Ала-Арча мамлекеттик жаратылыш паркында родельбанга капсула салуу аземи болуп өттү.

Президенттин иш башкармалыгы кабарлагандай, Кыргызстандагы алгачкы родельбан 1200 метрден ашык узундукта курулуп, саатына 500гө чейин конокту кабыл ала алат. Жалпы 36 заманбап чана орнотулат.

Каныбек Туманбаев белгилегендей, бул — өлкөнүн туризм тармагын өнүктүрүүдөгү маанилүү кадам. Курулушту 2026-жылдын март айында аяктоо пландалууда.