АКШ президенти Дональд Трамп Иран менен сүйлөшүүлөрдү улантуунун мааниси жок экенин, ошентсе да бул маселе боюнча сүйлөшүү жүргүзгөн өкүлдөрүнүн пикирин угууга даяр экенин билдирди.

Иран тууралуу сөз кылып жатып ал Анкарада журналисттерге: «Алар менен мындан ары иштешким келбейт», — деди.

Анын айтымында, ал баары бир «сүйлөшүүлөрдү улантууну каалап жаткан» өзүнүн өкүлдөрү Стив Уиткофф менен Жаред Кушнердин пикирин угууга даяр.

АКШ президентинин пикиринде, Иран менен ок атышууну токтотуу жана мындан аркы сүйлөшүү процесси боюнча макулдашуулар иштебей калды.

«Менимче, бул мындан ары иштебейт, — деди ал. — Макулдашууларды аткарбай жаткан дал ушул Иран тарап болууда. Аларда бир нерсе туура эмес болуп жатат», — деп кошумчалады Трамп Ирандын жетекчилиги тууралуу сөз кылып.

Ошол эле учурда, эгерде анын командасы кырдаалды жөнгө салуу аракеттерин уланта турган болсо, буга каршы эместигин белгиледи.

«Алар сүйлөшүүлөрдү уланта беришсе болот. Бирок менимче, бул убакытты жөн эле текке кетирүү», — деди АКШ президенти.