Алтынбек Эргешов президенттин Нарын облусундагы ыйгарым укуктуу өкүлү болуп дайындалды. Бул тууралуу өлкө башчынын маалымат кызматы билдирди.

Маалыматка караганда, тиешелүу буйрукка Садыр Жапаров кол койду.

“Кыргыз Республикасынын Конституциясынын 71-беренесине ылайык Эргешов Алтынбек Калдарович президенттин Нарын облусундагы ыйгарым укуктуу өкүлү болуп дайындалды”, – деп айтылат маалыматта.

Алтынбек Эргешов буга чейин Президенттин администрациясынын жана Министрлер кабинетинин чечимдерин даярдоо боюнча башкармалыктын жетекчиси болуп иштеп келген.

Ага чейин өкмөттүн уюштуруу бөлүмүнүн башчысы, 2010-жылга чейин ошол кездеги президент Курманбек Бакиевдин жардамчысы болгон.