Нарын облустук ИИБ Reporter.kg басылмасына Ат-Башы районундагы жарылуу фактысын тастыктады, анын кесепетинен бир адам колунан оор жаракат алган.

Жергиликтүү ЖМКлардын булактарга таянып берген маалыматына караганда, бала көчөдөн гранатага окшош буюм таап алып, аны апасына берген. Андан кийин аял табылган буюмду жолдошуна берген, ал аны ташка урган учурда жарылуу болгон.

Нарын облустук ИИБдин басма сөз кызматы бул факты Ат-Башы РИИБде каттоого алынганын кошумчалады. Тийиштүү экспертизалар дайындалды, учурда тергөө иштери жүргүзүлүүдө.

Тергөөнүн жыйынтыгы менен кошумча маалымат берилет.

Анара Мамытова