“Ата-Журт Кыргызстан” фракциясынын жыйынында лидерин алмаштуу маселеси көтөрүлдү. Бул тууралуу Reporter.kg′ге өздүк булактар билдирди.

Маалым болгондой, фракция лидери Нурлан Шакиевдин ордуна депутат Бакыт Сыдыковду шайлоо пландалууда.

Бирок, фракциянын депутаттарынын кеңири талкуусунан кийин бул маселени ачык калтыруу чечими кабыл алынган.

Буга чейин депутат Нурлан Шакиев «Ата-Журт Кыргызстан»  фракциясынын лидери болуп, Министрлер кабинетинин төрагасынын орун басарлыгына дайындалган Бакыт Төрөбаевдин ордуна шайланган.

Нурлан Шакиев бир мандаттуу Аксы шайлоо округу боюнча Жогорку Кеңештин депутаты болуп келген. “Ата-Журт Кыргызстан” фракциясы 33 депутаттан турат, алардын 18и бир мандаттуу округдар боюнча шайланган.

Биздин Телеграм каналга катталыңыз