26-апрель күнү Лейлек чек ара отрядынын чек арачылары тарабынан чек арадан мыйзамсыз алып өтүү аракеттери токтотулду. Бул туурасында Чек ара кызматынан билдирди.
Маалыматка караганда, Баткен облусунун Лейлек районунун Интернационал айылынан анча алыс эмес жерде чек арачылар Тажикстанга мыйзамсыз түрдө 700 кг кир самын жана кир жуучу порошокту мыйзамсыз алып өтүүгө аракет кылган Кыргызстандын бир нече жарандары кармалды.
Ошол эле күнү Кыргызстандын жараны 1976-жылы туулган С.О. «Опел-Зафира» унаасы менен Тажикстандан Кыргызстанга муздаткычтарга муздаткыч (фреон) катары колдонулган 16 куту хлородифторметанды мыйзамсыз алып кирүүгө аракет кылган. Кармалган хлородифторметан Тажикстанда өндүрүлгөн.
Алдын ала маалыматтарга караганда, айдоочу жүктү Кыргызстандын аймагына сатууну көздөгөн.
Тиешелүү документтер толтурулгандан кийин кармалган айдоочулар жана жүктөр кошумча иликтөө иштерин жүргүзүү үчүн компетенттүү органдардын кызматкерлерине өткөрүлүп берилди.
