Бишкекке алынып келген автобустар үчүн газ куюуучу станция бирөө гана болгондуктан, айдоочулар кезекте турууга убакыт коротуп, газ толтурууга аргасыз болууда. Бул тууралуу шаар тургуну Максим Золотых “Инстаграмдагы” баракчасында билдирди.

Ал бөлүшкөн видеодон кечинде газ куйдуруу үчүн кезекте турган автобустарды көрүүгө болот. Айдоочулардын айтымында, алар кезек күтүп, газ толтуруп кетүүгө 1 саат коротот.

“Менимче айдоочулар газ куюуучу станцияда кезек күтүп, убактысын коротпош керек. Бул үчүн аларга кошумча акча төлөп беришет болду бекен?”, – дейт ал.

Аны менен бирге Максим Золотых автобустар үчүн дагы бир же эки газ куюучу станция куруу керектигин белгилеген.

Биздин Телеграм каналга катталыңыз