Жетекчилердин жана жумушчулардын арасында аялдар аз, ал эми адистердин арасында көбүрөөк. Бул туурасында Улуттук статистикалык комитетинен билдиришти.
Маалыматка караганда, квалификациясы боюнча аялдар эң жогорку (65%) жана орто (50%) деңгээлдеги адистердин кызматтарын ээлейт. Жетекчилердин арасында аялдар азыраак (47%). Бирок квалификациясы жок (34%) жана квалификациялуу (25%) жумушчу күчүнүн арасында да азыраак. 2021-жылдын башына карата чакан ишканалардын жетекчилеринин арасында аялдардын үлүшү 30,5%ды түзсө, эң көп үлүшү Бишкек шаарында (33,1%) жана Ош облусунда (32,5%), эң азы Талас облусунда (19,5%).
