Талас облусунун Айтматов районунда баасы 94 млн сомду түзгөн автобаза жана анын 4,7 гектар жер тилкеси мамлекеттик менчикке кайтарылды. Бул тууралуу Башкы прокуратура билдирди.

Маалыматка ылайык, райондук прокуратура тарабынан текшерүү жүрүп, анда 2005-жылы мамлекеттик автобаза жайгашкан аталган аймак сатып алуу-сатуу келишимдеринин негизинде мыйзамсыз түрдө жеке менчикке чыгарылып кеткендиги аныкталган.

Көрүлгөн прокурордук чаралардын негизинде 4,7 гектар жер тилкеси имараттары менен бирге мамлекеттин карамагына өткөрүлгөн.