Айыл чарба министринин орун басары Асылбек Сатывалдиев 11-сентябрда Ош жана Баткен облустарынан келген багбандар менен жолугушту. Тараптар тармактын учурдагы абалын жана тармактык долбоорлорду ишке киргизүү үчүн мамлекеттик-жеке өнөктөштүк (МЖӨ) механизмин колдонуу мүмкүнчүлүктөрүн карап чыгышты.

Дыйкандар түшүм жыйноо көлөмүн көбөйтүү, жер-жемиштерди кайра иштетүүчү ишканалардын кубаттуулугун кеңейтүү жана продукцияны сатуу каналдарын уюштуруу боюнча сунуштарын беришти.

Кеңешменин жыйынтыгы боюнча катышуучулар багбанчылык тармагында МЖӨ долбоорлорун ишке ашыруу боюнча сунуштардын тизмесин түзүп, түштүк аймактарынын аграрийлери менен кызматташуу тартибин аныкташты.