Бүгүн, 30-сентябрда, Азия оюндарында кыргызстандык спортчу Асан Жанышов грек-рим күрөшү боюнча мелдеште финалга чыкты. Балбан 87 килограммга чейинки салмакта күч сынашууда. Бул тууралуу Дене тарбия жана спорт агенттиги билдирди.

Спортчу мелдешти чейрек финалдан баштап, өзбекстандык Жалгас Бердимуротовду 4:0 эсебинде жеңген. Жарым финалда Казакстандын балбаны Шамиль Ожаев менен күч сынашып, 6:1 эсебинде жеңишке жетти.

Эми финалдык беттеште Асан Жанышов алтын медаль үчүн жапониялык спортчу Тайзо Ёшида менен күрөшөт.

Белгилей кетсек, быйыл Азия оюндары Жапониянын Нагоя шаарында өтүп жатат. Оюндары 4-октябрга чейин уланат.