Жарандык активист Бакай Кашкарбаевдин мектепте жаңжал чыгарып жүргөн видеосу тарады. Ал видеого үңүлсөк, Кашкарбаев мектепте жүрөт. Мугалимдерби же ата-энелерби белгисиз аялдар аны курчоого алып “милиция чакырабыз” деп кыйкырып жатканын угууга болот. Ошол эле маалда өзүнөн бир топ жаш улуу эже активисттин колундагы кичи сумкасын талашып жатканы, аны бербей жатканы көрүнөт. Бир аздан кийин Кашкарбаевди кароолчусу ээрчитип кетет.

1:30 мүнөттүк видеодо ушул көрүнүш гана камтылган. Бул видеону Айгүл Базиева атту фейсбук колдонуучусу жүктөгөн.

Азырынча бул видео каяктан тартылганы жана чыр эмнеден улам чыкканы туурасында так маалымат жок.