Балыкчы шаарындагы жалпы аянты 6 миң 847 чарчы метрди түзгөн мал базар мамлекетке кайтарылды. Бул тууралуу УКМК билдирди.

Маалыматта айтылгандай, текшерүүнүн жүрүшүндө шаар аймагында мал базар жайгашкан жер тилке жеке менчикке мыйзамсыз мыйзамсыз берилгени аныкталган.

“Жогоруда аталган объект муниципалитеттин менчигинен чыгарылып, Балыкчы шаардык администрациясы тарабынан мыйзам ченемдерин бузуу менен, 2000-жылдагы токтомдун негизинде жол-жоболоштурулгандыгы такталган”,- деп билдирди атайын кызмат.

Тергөөнүн жыйынтыгында аталган жер тилке мамлекеттик менчикке кайтарылган.