Бүгүн Балыкчы шаарында Жамааттык коопсуздук келишим уюмунун (ЖККУ) Борбор Азия регионунун тез жайылтуучу жамааттык күчтөрүнүн бөлүктөрү менен «Чек-2025» командалык-штабдык машыгуусунун салтанаттуу ачылышы болуп өттү.

Иш-чарага ЖККУнун башкы катчысы Имaнгали Тасмагамбетов, Кыргызстандын коргоо министринин биринчи орун басары Эрлис Тердикбаев, президенттин Ысык-Көл облусундагы өкүлүнүн биринчи орун басары Данияр Арпачиев, Балыкчы шаарынын мэри Баатырбек Жантаев жана башка расмий адамдар катышты.

Машыгууга Россия, Казакстан жана Тажикстандан аскер кызматкерлери келишти. Салтанаттуу ачылыш катышкан бардык бөлүктөрдүн жүрүшү менен ийгиликтүү аяктады.