Казакстандагы тополоң учурунда террорчу катары кармалып, кийин бийликтин расмий кийлигишүүсү менен Кыргызстанга алып келинген музыкант Викрам Рузахунов дагы деле ооруканада. Бул тууралуу ал өзү Instagram баракчасына билдирди.
«10-январда мени үйгө алып кетишти, кыязы, шок абалында болдум, анткени мага жөн эле көгөрүп калгандай сезилди, көп гематомалар тез эле өтүп кетчү.
Мени текшерүүдөн өткөрүүгө көндүргөн улуу агам Рустамга рахмат, ден соолугумдун абалы орто оор экени белгилүү болду», — деп жазган ал.
Рузахуновго бир нече диагноз коюлган:
— көкүрөк травмасы
— жылышуу менен сол жактагы V-VI кабыргалардын сынышы;
— сол жактагы пневмоторакс;
— сол жактагы 7-кабырга кемирчегинин жарылышы;
— сол өпкөнүн үстүнкү бөлүгүнө дем алуу жүргүзүлбөй, жабыркашы 35%ке чейин;
— мээнин чайкалышы;
— желке аймагынын жумшак ткандарынын көгала жана көгөргөн жерлери (көрүнүшү боюнча менин белим кара жана көк болгон).
«Тез жардамга жеткирилип, операция болдум. Ошондон бери дарыланып, 3 оорукананы алмаштырдым. Кандай кыйналып жатканымды бир гана бир туугандарым көрүп жатат», — деп жазган ал.
