Баткен облусунда милиция кызматкерлери баңгизатын сатуучу менен анын шеригин кармашты. Бул тууралуу Ички иштер министрлигинин басма сөз кызматы билдирди.

Ак-Татыр айылында Ош-Исфана унаа жолунун боюнда жайгашкан «Максатбек» ​​дүкөнүнүн жанынан Баткен районунун 47 жаштагы тургуну баңгизатын сатууга аракет кылып жаткан жеринен кармалган. Анын жанынан баштыкка оролгон 3 кап афган гашиши табылган. Ошол эле күнү анын 46 жаштагы шериги кармалган.

Экспертизанын корутундусуна ылайык, баштыктарда 2 килограмм 846,9 грамм салмактагы гашиш болгон. Кармалгандар Баткен РИИБнин убактылуу кармоочу жайына киргизилди. Учурда тергөө иштери уланууда.