Баткенде мамлекеттик чек арадан мыйзамсыз өтүп жүргөн жаран кармалды. Бул тууралуу облустук милициядан билдиришти.

Маалыматка караганда, Баткен ОИИБдин экстремизмге жана мыйзамсыз миграцияга каршы аракеттенүү боюнча кызматынын кызматкерлери   ыкчам иликтөө иштеринин натыйжасында Баткен облусунун 53 жаштагы тургуну Т.Х. аныктап кармаган.

Анткени бул жаран Кыргызстандын кайтарууда турган мамлекеттик чек арасын мыйзамсыз бузуп өтүп, чет өлкөгө бир нече жолу мыйзамсыз кирип-чыккандыгы аныкталган.

Учурда Кылмыш-жаза кодексинин 378-беренесинин (Мамлекеттик чек арадан мыйзамсыз өтүү) негизинде кылмыш иши козголуп,  сотко чейинки өндүрүш иши башталган.

Учурда тергөө амалдары жүргүзүлүүдө.

Биздин Телеграм каналга катталыңыз