УКМК тарабынан Кыргызстандын аймагында контрабандалык ишмердүүлүктү аныктоо жана бөгөт коюу боюнча жүргүзүлгөн ыкчам иш-чаралардын алкагында тиешелүү документтери жок, дары-дармектер салынган автоунаа кармалды.

УКМКнын маалыматына караганда, 20-майда Баткен облусунун Кадамжай районунун Күнгөй жергесинде Кыргызстандын Т.М. аттуу жаранынын башкаруусундагы “Хундай Портер” үлгүсүндөгү унаасын кармашкан.

Унааны текшерүү учурунда жүк ташуу документтери жок 180 даана дары-дармектер – амоксиклав табылган.

Бул факты боюнча атайын кызмат тарабынан Кылмыш-жаза кодексинин 231-беренесинин 1-бөлүгү (Экономикалык контрабанда) боюнча кылмыш иши козголду. Учурда тергөө амалдары жүргүзүлүүдө.