Баткен облусунда мөмө-жемиштерди кайра иштетүүчү цех ишке кирди. Бул тууралуу Айыл чарба министрлигинин басма сөз кызматы билдирди.

Ишкананы түзүүгө республикалык бюджеттен 22 миллион сом бөлүнүп, ал муниципалдык ишкана катары уюштурулган.

Цех күнүнө 1 тоннага чейин мөмө-жемишти кайра иштетүүгө ылайыкталган. Анда Ак-Татыр айыл аймагында жана чектеш аймактарда өстүрүлгөн өрүк, алма кургатылып, сатыкка даярдалат. Учурда ишканада 5 жумуш орду түзүлгөн.

Долбоор жергиликтүү чийки затты кайра иштетүү жана фермерлердин продукциясын өткөрүү мүмкүнчүлүгүн кеңейтүү максатында ишке ашырылган.