Баткен облусунда бир жума ичинде рейд жүрүп, 3389 обьекттин санитардык абалы текшерилди. Бул тууралуу вице-премьер-министр Акрам Мадумаров брифингде билдирди.

Натыйжада 709 эскертүү берилип, 308 протокол түзүлүп, 389 миң сом айып салынды. 4 учур кылмыштар жана жоруктардын бирдиктүү реестрине катталды.

Алар чектөөлөргө баш ийбей той өткөргөн 2 учур жана санитардык талаптарды аткарбаган бир базар, бир ашкана.

Облуста эпидемиологиялык абал кооптуу болуп жаткандыктан, санитардык талаптардын сакталышы боюнча рейддер тынымсыз жүрүп жатат.