Жогорку Кеңеш “Коммерциялык эмес уюмдар жөнүндө” мыйзам долбоорун үчүнчү окууда жактырды. Аны 66 депутат колдоп добуш берсе, 5 эл өкүлү — Дастан Бекешев, Чыңгыз Айдарбеков, Сеидбек Атамбаев, Эмил Токтошев жана Элвира Сурабалдиева «каршы» болду.
Надира Нарматованын мыйзам долбоорунда төмөнкү өзгөртүүлөр сунушталууда:
- «Чет өлкөлүк коммерциялык эмес уюм», «чет өлкөлүк өкүл» түшүнүгү киргизилет.
- Бейөкмөт уюмдарга мамлекеттик саясатты өзгөртүүгө, саясий акцияларды уюштурууга жана катышууга тыюу салынат. Ал саясый ишмердик болуп саналат.
- Коммерциялык эмес уюмдар отчет берүүчү органдардын саны көбөйтүлөт.
Белгилей кетсек, мыйзам долбоор күчүнө кирсе бир катар бейөкмөт уюмдары ишин токтотору айтылган. Бир нече эл аралык уюмдар дагы Нарматованын демилгесине каршы пикирин билдиришкен.
«Силерге болот, бизге болбойбу?» Садыр Жапаров АКШга жооп берди
Биздин Телеграм каналга катталыңыз
