Кароосуз калган 5 жашы жете элек кыргыз жараны Орусиядан, 4 кыргыз жараны Тажикстандан мекенине кайтарылды. Бул тууралуу Тышкы иштер министрлиги билдирди.
Андан тышкары, мекеме АКШнын Теннесси жана Пенсильвания штаттарынын тургундары асырап алынган эки кыргыз баланын жашоо шарттарына байкоо жүргүздү.
Апрель айында чет өлкөдөгү консулдук кызматтар 126 жолу кырсыкка учураган мекендешке укук коргоо жана сот органдарында жардам көрсөткөн.
Беларуста, Германияда, Казакстанда, Кувейтте, Россияда, Сауд Арабиясында, Тажикстанда, Туркияда, Украинада оор турмуштук кырдаалга туш болгондор Кыргызстанга кайтарылды.
Бир айда 8 жарандын 550 миң сомго жакын төлөнбөгөн эмгек акысы өндүрүлдү.
Чет өлкөдө каза болгон 14 мигранттын сөөгү келди.
Биздин Телеграм каналга катталыңыз
