Өткөн аптада Кыргызстандын коммерциялык банктары банктар аралык валюта аукциондорунда 44 миллион 820 миң доллар сатып алышкан. Мындай маалыматтарды республиканын Улуттук банкы берет.

Америка валютасынын орточо сатып алуу курсу 1 доллар үчүн 82,235 сом деңгээлинде болду. Дүйшөмбү күнү, 18-апрелде соода 81 сом менен ачылса, жума күнү, 22-апрелде сооданын жабылуу курсу 82,86 сомду түздү. Аптадагы өсүш 2,3%.

Кошумчалай кетсек, бир жума мурункуга салыштырмалуу коммерциялык банктар арасында чет элдик валютага суроо-талап дээрлик эки эсеге өскөн.