Бир нече мамлекеттик ишкана “Газпром Кыргызстан” компаниясына 670 млн сомго жакын акча карыз. Бул тууралуу компаниянын башкы директорунун орун басары Арзымат Алдаяров Жогорку Кеңештин Отун-энергетикалык комплекс, жер казынасын пайдалануу комитетинин жыйынында билдирди.

Алдаяровдин айтымында, анын ичинен “Бишкекжылуулукэнерго” 180 млн, Бишкек ЖЭБи 330 млн сом, “Токмок жылуулук” 70 млн сом жана “Кыргызжылуулукэнерго” 70 млн сом карыз.

“Мен март айынан бери “коллектор” болуп эле жүрөм. Өзүмдүн акчамды сурап жаткандай эле ар бир мекемеге, акимге, мэрге кирип суранып жүрөм”, – деди ал.